კარლო ანჩელოტიმ „ხეტაფესთან“ მატჩის შემდეგ პრესკონფერენცია გამართა.

„დავიდ ალაბას და ედუარდო კამავინგას „ელ კლასიკოში“ მონაწილეობა ფაქტობრივად გამორიცხულია. დაველოდოთ სამედიცინო ტესტირების შედეგებს, თუმცა ორივეს ჰქონდა დისკომფორტი.“

„როდრიგო? ბრაზილიელს სრულად ვენდობი, ის ძალიან მაღალი კლასის შემტევია, რომელსაც არაერთი მნიშვნელოვანი გოლი აქვს გატანილი.“

„თამაშის შედეგით კმაყოფილი ვარ, მაგრამ მივიჩნევ, რომ მეორე ტაიმში ხარვეზები გვქონდა. „ხეტაფე“ ცდილობდა გოლის გატანას, ჩვენ კი ბურთის კონტროლი გვიჭირდა.“

„არდა გიულერის კარგი თამაში ჰქონდა. 4-3-3 ფორმაციაში, მან იცის საკუთარი როლი, თუმცა 4-4-2 ფორმაციაში მეტიად უწევს არა შიგნით, არამედ ფლანგიდან ასპარეზობა. არის კომპონენტები, რომელიც თურქმა უნდა დახვეწოს. პირველ რიგში საქმე ეხება ფიზიკურ კონდიციებს, ის ამ მხრივ აუცილებლად მოუმატებს.“

„„ბარსელონა“ ფავორიტია? არ ვთვლი, რომ „ლა კოპას“ ფინალში რომელიმე გუნდს ფავორიტის სტატუსი აქვს.“

„დაცვაში გუნდი ბევრად ეფექტურად თამაშობს, რაც ბოლო მატჩების შედეგებშიც კარგად აისახა, თუმცა თავდასხმაში მეტ სიმწვავეს ვსაჭიროებთ.“

„მარცხენა მცველი „ელ კლასიკოში“? ახლავე შემიძლია გითხრათ, რომ ამ პოზიციას ფრანი დაიკავებს.“

„ბრაჰიმ დიასს ძალიან სრულყოფილი თამაში ჰქონდა, ის კარგად დაბრუნდა. ვფიქრობ, მაროკოელი ყოველთვის ქმნის გუნდისთვის განსხვავებებს.“

„ენდრიკ ფელიპეს 2 კარგი მომენტი ჰქონდა. ბრაზილიელი მაქსიმალურად ცდილობს შანსების გამოყენებას. ის ადაპტირდა ევროპულ ცხოვრებასთან, რაც სათამაშო მოედანზეც გადააქვს.“