კარლო ანჩელოტიმ „ხეტაფესთან“ შეხვედრის წინ პრესკონფერენცია გამართა.

„დღევანდელ სესიაზე მენდიმ და მბაპემ მონაწილეობა მიიღეს, მაგრამ „ხეტაფეს“ წინააღმდეგ არცერთი არ იქნება ხელმისაწვდომი. ვიმედოვნებ, ფრანგები „ლა კოპას“ ფინალში დაბრუნდებიან.“

„რამდენიმე ფეხბურთელი მეტისმეტად დაღლილია, ამიტომ როტაციას არ გამოვრიცხავ.“

„კიდევ 1 წელი „რეალში“? დიდი სიამოვნებით დავრჩები მთავარი მწვრთნელის პოსზე. ახლა ამაზე არ ვფიქრობ. ვნახოთ, რა მოხდება სეზონის დასრულების შემდეგ.“

„მბაპეს აღდგენითი პროცესი საკმაოდ სწრაფად მიმდინარეობს. ფრანგი ფეხბურთელი დამწუხრებულია, რომ გუნდს ვერ ეხმარება, თუმცა მალე გავა მწვანე მინდორზე.“

„„ლა კოპას“ და ლა ლიგის მოგების შემთხვევაში ძალიან ბედნიერი ვიქნები. ამისთვის საჭირო იქნება „ბარსელონას“ 2-ჯერ დამარცხება.“

„ფრან გარსიას ამ სეზონში დასაწუნი არაფერი აქვს. „ბილბაოსთან“ მარცხენა მცველად კამავინგა გამოვიყენე, რადგან მივიჩნევდი, რომ ჩემს ტაქტიკურად იდეალურად ერგებოდა.“

„„ბარსელონა“ დღეს თამაშობს, ჩვენ კი ხვალ, მაგრამ ამ მხრივ პრობლემას ვერ ვხედავ, რადგან ჩვენ არ გვიწევს ფრენა, „ხეტაფესთან“ შესახვედრად მცირე მანძილია დასაფარი. მატჩი საკმაოდ გვიან არის.“

„„რეალში“ ყოველთვის ყველაფერი ურთიერთპატივისცემაზეა დამყარებული. სხვაგვარად ვერ იქნება. მივიჩნევ, რომ ფეხბურთელებს ჩემი დიდი პატივისცემა აქვთ. მეგობრული გარემო ყოველთვის არის წარმატების წინაპირობა.“

„ამ სეზონში გუნდს არაერთი პრობლემის მოგვარება მოუხდა. ეს ფეხბურთის განუყოფელი ნაწილია. ზოგჯერ ახერხებ, რომ უფრო ეფექტური იყო, ზოგჯერ კი ვერა.“

„თუ ლა ლიგის „ელ კლასიკოს“ წავაგებთ, ჩემპიონობისთვის ბრძოლას დავემშვიდობებით, ეს კი ჩვენს გეგმებში არ შედის. მიზანი მხოლოდ გამარჯვებაა, ვინაიდან მხოლოდ 3 ქულა გვაძლევს ბრძოლის გაგრძელების შანსს.“