ესპანური გამოცემების ცნობით, ვინისიუს ჟუნიორი მადრიდის „რეალთან“ მოლაპარაკებებს წარმატებით ასრულებს.

ბრაზილიელი ფეხბურთელის მოქმედი კონტრაქტი, რომელიც 2027 წლის 30 ივნისამდეა ძალაში, გახანგრძლივდება და 2031 წლის 30 ივნისამდე იმოქმედებს.

ამასთანავე შეთანხმებაში ჩაიდება პუნქტი, რომელიც ვინისიუსის ხელფასის მნიშვნელოვან ზრდასაც განაპირობებს, თუმცა ეს წლების მიხედვით მოხდება.

ვინი 2027 წლის 30 ივნისამდე იმ ხელფასს აიღებს, რაც ახლა აქვს, 2027 წლის ივლისიდან 2029 წლის 30 ივნისამდე მისი შემოსავალი 4 მილიონით გაიზრდება, ხოლო 2029-იდან ხელშეკრულების ბოლომდე დამატებით 2.5 მილიონით.

„მარკას“ ინფორმაციით, მხარეები საბოლოო დეტალებს ათანხმებენ, რის შემდეგაც შეთანხმება ოფიციალურად დადასტურდება.