მადრიდული გამოცემების ცნობით, მადრიდის „რეალში“ სერიოზული ცვლილებები იწყება და კლუბი ჩაბი ალონსოსთან უკვე გადის კონსულტაციებს.

დანი სებალიოსი გუნდში დარჩება, ვინაიდან ის ალონსოს მოსწონს და მიიჩნევს, რომ არ უნდა წავიდეს.

რაც შეეხება ლუკა მოდრიჩს. ხორვატს ბრწყინვალე ურთიერთობა აქვს ჩაბისთან, ისინი თანაგუნდელები იყვნენ, თუმცა უნდა აღინიშნოს, რომ ლუკიტა ახალი სეზონის სტარტზე 40 წლის ხდება და ალონსო მასზე გათვლის გაკეთებას აღარ აპირებს.

„მარკას“ ცნობით, ცვლილება იმაზე მეტი იქნება, ვიდრე ეს ვინმეს წარმოუდგენია. სწორედ ამიტომ ზაფხულში პერესისგან მნიშვნელოვანი ნაბიჯების გადადგმას უნდა ველოდოთ.

არაერთი ავტორიტეტული გამოცემა ირწმუნება, რომ ზაფხულში „მერენგების“ რიგებს 5-ზე მეტი მოთამაშე დატოვებს.