ესპანური გამოცემების ცნობით, მადრიდის „რეალში“ როდრიგო გოეშის გაშვებაზე დაფიქრდნენ.

ბრიტანული გამოცემები კი იუწყებიან, რომ მანჩესტერ „სიტი“ როდრიგოს სანაცვლოდ 160 მილიონ ევროს იხდის და ფეხბურთელსაც საოცნებო კონტრაქტს სთავაზობს.

მადრიდში მიიჩნევენ, რომ შეტევის მარჯვენა ფლანგიდან ისეთმა მოთამაშემ უნდა შეუტიოს, ვინც მარცხენა ფეხით ეფექტურად თამაშობს. სწორედ ეს იქნება ახალი მწვრთნელის მიდგომაც.

რაც შეეხება როდრიგოს, სეზონის მეორე ნაწილში ბრაზილიელმა ძალიან მოუკლო, რასაც სტატისტიკაც მოწმობს.

არსებული ცნობებით, „სიტისა“ და „რეალს“ შორის მოლაპარაკებები მალე დაიწყება და სერიოზულ სახეს მიიღებს.