კარლო ანჩელოტი ფიქრობს, რომ 4-4-2 სქემა სეზონის ბოლო ეტაპზე გუნდისთვის წარმატების მომტანი იქნება.

4 ნახევარმცველის პირობებში გუნდს მეტი ბალანსი აქვს, ასევე ყურადღებით თამაშობს დაცვაში და ნაკლებ გოლს უშვებს.

თუ კილიან მბაპე გამოჯანმრთელებას მოასწრებს და „ელ კლასიკოსთვის“ მზად იქნება, წინა ხაზში ფრანგისა და ვინისიუს ჟუნიორის დუეტს ვიხილავთ, სხვა შემთხვევაში კი თავდასხმას როდრიგო-ვინის დუეტი გააძლიერებს.

ასევე ვრცელდება ინფორმაცია, რომლის მიხედვითაც, ფედე ვალვერდე კვლავ მარჯვენა მცველი იქნება, ნახევარდაცვას კი ჩუამენი, ლუკა მოდრიჩი, სებალიოსი და ჯუდ ბელინგემი დააკომპლექტებენ.