ფიგუ:„„რეალის“ წარუმატებლობა ანჩელოტის ბრალი არ არის“
ლუიშ ფიგუმ მედიის წარმომადგენლები გააკრიტიკა და განაცხადა, რომ „რეალს“ საუკეთესო დამრიგებელი ჰყავს.
„არ მესმის, როგორც შეიძლება იყო მედიის წარმომადგენელი, მიხვიდე კარლო ანჩელოტისთან და ჰკითხო, უშვებენ თუ არა გუნდიდან. იტალიელის დონის სპეციალისტი დღესდღეობით მსოფლიოში არავინაა.“
„ის, რომ სამეფო კლუბს ამ სეზონში წარმატებები არ აქვს, ანჩელოტის ბრალი არ არის. ამ გუნდმა შარშან დაკარგა კროოსი, ნაჩო და ხოსელუ. მერწმუნეთ, სამივეს ჰქონდა თავისი ფუნქცია, რომელსაც იდეალურად ასრულებდა.“
„ენდრიკი კარგი ტალანტია, თუმცა მას დრო სჭირდება. მბაპეს ტრანსფერმა წინა ხაზი გააძლიერა, მაგრამ პრობლემები შეექმნა ნახევარდაცვას, რომლის მთავარი მამოძრავებელიც სწორედ ტონი გახლდათ.“
„ამ ყველაფერს დაემატა მილიტაოს უმძიმესი ტრავმა, კარვახალის საშინელი მომენტი და მთელი სეზონი მარჯვენა მცველის ძიება.“
„გუნდს დააკლდა ბალანსი, დააკლდა რესურსი, რომლის შევსებაც წარმოუდგენელი იყო.“
„ახლა ყველაფერს ანჩელოტის აბრალებენ, მაგრამ იტალიელი სპეციალისტი არაფერშუაშია, მას პრობლემებთან გამკლავება უწევს.“
- 21 აპრილი 2025
- 2 641
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
