ესპანური გამოცემების ცნობით, კარლო ანჩელოტის ვადაზე ადრე წასვლის შემთხვევაში, მას რაულ გონსალეს ბლანკო ჩაანაცვლებს და ლეგენდა დროებითი მწვრთნელის სტატუსით ისარგებლებს.

თუ 26 აპრილს „რეალი“ სამეფო თასის ფინალს წააგებს, ანჩელოტის კარისკენ მიუთითებენ, დროებით მწვრთნელად კი სოლარისა და რაულის დუეტიდან ერთ-ერთი დაინიშნება.

არსებული ცნობით, ფავორიტი რაულია, რომელიც შანსს დიდი ხანია ელის.

ასევე ვრცელდება ინფორმაცია, რომლის მიხედვითაც, თუ ანჩელოტი ვადაზე ადრე წავა, გუნდს მსოფლიო საკლუბო ჩემპიონატზეც რაული გაიყვანს.

რაც შეეხება ალონსოს ან კლოპის დანიშვნას. ორივე შემთხვევაში, ახალი მწვრთნელი საქმიანობას პრე-სეზონის სტარტიდან დაიწყებს, რაც იმას ნიშნავს, რომ მსოფლიო მუნდიალზე გუნდი ძველი მოდიფიკაციით წარსდგება.