„ბილბაოსთან“ გამარჯვება ვინისიუს ჟუნიორისთვის რიგით მე-200 გამოდგა.

ბრაზილიელ ვარსკვლავს 200 გამარჯვების დასაფიქსირებლად 311 შეხვედრა დასჭირდა.

ვინიმ პირველი შეხვედრა 2018 წელს მოიგო, მას შემდეგ კი უამრავი გამარჯვება დააფიქსირა.

ახალგაზრდა შემტევი „მერენგების“ რიგებში უკვე 14 ტიტულს მოითვლის.

გამარჯვებებს რაოდენობის მიხედვით, ვინისიუსისტვის საუკეთესო სეზონი 2021/22 წლებში დაფიქსირდა, როდესაც მან 37-ჯერ დატოვა მწვანე მინდორი მოგებულის რანგში.

200 წარმატებიდან 133 ლა ლიგაზე მოდის, 40 ჩემპიონთა ლიგაზე, დანარჩენები კი სხვა ტურნირებზე.

„ბილბაოსთან“ დაპირისპირების შემდეგ, ფლორენტინო პერესმა „რეალის“ ვარსკვლავს სპეციალური, 200 ნომრიანი მაისური უსახსოვრა.