ჩაბი ალონსო „რეალში“ 5 ახალ ფეხბურთელს ითხოვს!
ესპანური გამოცემები იუწყებიან, რომ ჩაბი ალონსოს მადრიდის „რეალთან“ დაკავშირებით აქვს კონკრეტული გეგმა, რომელიც ტრანსფერს უკავშირდება.
ბასკი სპეციალისტი მიიჩნევს, რომ გუნდის ნახევარდაცვა და დაცვის ხაზი აუცილებლად გასაძლიერებელია.
გამომდინარე იქედან, რომ „რეალში“ ტრენტის ტრანსფერი ფაქტობრივად დასრულებულია, ალონსო მარჯვენა მცველზე აღარ იფიქრებს, თუმცა ის თვლის, რომ კრიტიკულად მნიშვნელოვანია მარცხენა მცველის დამატება.
გარდა ამისა, ჩაბის აზრით, „რეალმა“ ნახევარდაცვა მარტინ სუბიმენდით და ფლორიან ვირცით უნდა გააძლიეროს. ეს უკანასკნელი „ლევერკუზენში“ ესპანელის შეგირდია.
ასევე ვრცელდება ინფორმაცია, რომლის მიხედვითაც, ალონსოს ტიპიური ფორვარდიც სურს, რომელიც ეფექტურია, როგორც საფინალო დარტყმებში, ასევე მეორე სართულზე. ეს „რეალის“ შეტევების მრავალფეროვნებას შეუწყობს ხელს.
როგორც ჩანს, ბასკის გეგმები ამბიციურია, დანარჩენი კი პერესზე იქნება დამოკიდებული.
- დღეს, 10:36
- 2 195
- 10
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
