მადრიდის „რეალის“ ფეხბურთელებმა ლა ლიგის მომდევნო ტურისთვის მზადება დაიწყეს.

ბასკური კლუბის წინააღმდეგ სათანადოდ მოსამზადებლად გუნდს 2 დღე აქვს.

კილიან მბაპემ სესია გამოტოვა, რადგან დაზიანება აქვს და აღდგენით პროცესს ხვალიდან დაიწყებს.

ფრანგი ფეხბურთელი „ბილბაოსთან“ დისკვალიფიკაციის გამო არ ითამაშებს.

ანდრეი ლუნინმა აღდგენითი პროცესი დაასრულა, ფერლან მენდი კი კვლავ მიუწვდომელია.

კარლო ანჩელოტიმ შეკრება რამდენიმეწუთიანი საუბრით დაიწყო, შემდეგ კი ფეხბურთელებმა დიდი ყურადღება გაამახვილეს ტაქტიკურ და ტექნიკურ კომპონენტებზე.

ვარჯიშის ბოლოს აქცენტი გაკეთდა კარში დარტყმებზე, პრესინგსა და მოკლე სივრცეში ზუსტ თამაშზე.

გუნდთან ერთად ივარჯიშა რამდენიმე კანტერანომაც.