ესპანური გამოცემების ცნობით, მადრიდის „რეალი“ კარლო ანჩელოტის მიმართ პატივისცემას გამოხატავს და მას გუნდიდან „უხეშად“ არ გაუშვებს.

„მარკას“ ინფორმაციით, კარლოს ხელმძღვანელობასთან არანაირი პრობლემა არ აქვს და მზად არის გაიზიაროს ნებისმიერი პოზიცია, რომელიც ფლორენტინო პერესს და საბჭოს ექნება.

თუ იტალიელი სპეციალისტი სამწვრთნელო საქმიანობის დასრულებას გადაწყვეტს, „რეალი“ მას ახალ პოზიციას შესთავაზებს და გუნდში დატოვებს.

ფლორენტინო არ დაუშვებს, რომ ანჩელოტისთან დაკავშირებით კითხვები გაჩნდეს. მხარეები ერთმანეთის მიმართ დიდი პატივისცემით არიან განწყობილები.

ის, რომ ახლა პერესი გაბრაზებულია, საერთო პოზიციას არ ცვლის. „რეალი“ პატივს სცემს საოცარ ისტორიას, რომელიც იტალიელმა ბერნაბეუზე შექმნა. 

ანჩელოტი წავა, მაგრამ ან ახალ პოზიციაზე, ან მეგობრულად.