ვინისიუს ჟუნიორმა ლონდონის „არსენალის“ წინააღმდეგ საიუბილეო გოლის გატანა შეძლო. ეს გახლდათ ბრაზილიელი შემტევის 105-ე გოლი, რითი მან ლეგენდარული რონალდო ნაზარიოს 104 გოლიანი შედეგი გააუმჯობესა.

ახლა ვინი გახლავთ ბრაზილიელი მოთამაშე, რომელსაც „მერენგების“ მაისურით ყველაზე მეტი გოლი აქვს გატანილი.

რონალდო ნაზარიომ 2002 2007 წლამდე იასპარეზა „მერენგების“ რიგებში და 177 შეხვედრა ჩაატარა, სადაც 104 გოლის გატანა შეძლო.

ვინი ჟუნიორის  105 გოლი შემდეგნაირად გადანაწილდა: 61 ლა ლიგაში, 29 ჩემპიონთა ლიგაზე, 7 კოპა დელ რეიზე, 4 ესპანეთის სუპერთასზე და 4 საკლუბო მსოფლიო ჩემპიონატზე. 

გუნდი, რომლის წინააღმდეგაც ვინისიუსმა  ყველაზე მეტი გოლი გაიტანა, არის ვალენსია (9).