კარლო ანჩელოტიმ „არსენალთან“ დაპირისპირების შემდეგ პრესკონფერენცია გამართა.

„ჩვენ ბევრს ვცდილობდით, მაგრამ არ გამოგვდიოდა. ფაქტი ის არის, რომ „არსენალმა“ ორ რაუნდიან ბრძოლაში უფრო მეტი იმუშავა, მეტი მომენტი შექმნა, უფრო ეფექტური იყო და 1/2 ფინალში გასვლა ნამდვილად დაიმსახურა. მიკელ არტეტას მივულოცე და ვუთხარი, რომ მისი პროექტი აუცილებლად მოიტანს წარმატებას.“

„გუნდს ჰქონდა მკაფიო იდეები, თუმცა სტადიონზე ამის გადატანა ვერ მოვახერხეთ. პირველ ტაიმში გოლის გატანა მეტისმეტად მნიშვნელოვანი იყო, თუმცა გარკვეული მომენტების გამო ეს ვერ შევძელით. გოლის გატანა მეტ მუხტს მოგვცემდა.“

„ვინისიუსმა გაათანაბრა, თუმცა უკვე გვიან იყო, ჩვენ კი  დამატებით 3 გოლი გვქონდა გასატანი.“

„თანამდებობა? ამაზე სეზონის ბოლოს ვიმსჯელებ. უკვე ვფიქრობ, რომ შესააძლოა ეს ჩემი ბოლო სეზონი იყოს, თუმცა დაველოდოთ, რა მოხდება.“

„არ ვიცი, ვუხელმძღვანელებ თუ არა გუნდს მსოფლიო საკლუბო ჩემპიონატზე.“

„როდესაც გუნდში სამწუხარო მომენტები დგება, გამკვლავება უნდა ვიცოდეთ. ყოველთვის ვერ გავიმარჯვებთ, მაგრამ ჩვენი სტატუსიდან გამომდინარე, მაქსიმალურად უნდა დავიხარჯოთ.“

„რა გადაწყვეტილებაც არ უნდა მიიღოს კლუბმა, მე მადლიერი ვიქნები. „რეალი“ ჩემი სახლია და პატივს ვცემ ნებისმიერ პოზიციას, რომელიც კლუბის მენეჯმენტში არსებობს. მე აქ დიდი ისტორია შევქმენი, რომელიც ფასდაუდებელია და ოქროს ასოებით ჩაიწერება ჩემს ბიოგრაფიაში.“

„სებალიოსი? მას არ შეეძლო 90 წუთი თამაში, სწორედ ამიტომ, მეორე ტაიმში შევიყვანე.“

„აქ ინდივიდებზე საუბარი არ ღირს. ჩვენ გვქონდა კოლექტიური პრობლემა, როგორც ტექნიკური, ასევე საშემსრულებლო თვალსაზრისით.“