დანი სებალიოსმა „ალავესთან“ დაპირისპირების შემდეგ ჟურნალისტებთან ისაუბრა.

„ვიცოდით, რომ რთული დაპირისპირება გველოდა, ვინაიდან „ალავესი“ ყველა ქულისთვის ბოლომდე იბრძვის.“

„გუნდმა გოლი გაიტანა, რის შემდეგაც მბაპემ წითელი ბარათი მიიღო. მერწმუნეთ, კილიანის მოედნიდან გასვლის შემდეგ, ამოცანა მნიშვნელოვნად გართულდა.“

„„ალავესის“ ფეხბურთელის გაძევებისა და 10-10-ზე დარჩენის შემდეგ „რეალს“ აბსოლუტური დომინაცია ჰქონდა.“

„ნელ-ნელა უფროდაუფრო ძლიერი ვხდები. მსურს, „არსენალთან“ ვითამაშო და გუნდის დახმარება შევძლო.“

„დარწმუნებული ვარ, ჩვენი ერთგული გულშემატკივრები საოცარ თანადგომას გამოგვიცხადებენ და ოთხშაბათს დიდებულ მატჩს ვიხილავთ. გუნდმა 3:0 წააგო, მაგრამ როდესაც საქმე „რეალს“ ეხება, ყველა ფრთხილად აკეთებს პროგნოზს. ჩვენ ყველაფერს ვიღონებთ 1/2 ფინალში გასასვლელად.“

„მესიჯი ქომაგებს? ჩვენ ბოლომდე დავიხარჯებით. მერწმუნეთ, ბერნაბეუზე „რეალი“ საოცრების ჩადენისთვის ყველაფერს გააკეთებს.“