ტონი კროოსმა მადრიდის „რეალის“ შანსებზე ისაუბრა და განაცხადა, რომ კარლო ანჩელოტის გუნდმა ყველას უნდა ანახოს, რა შეუძლია სანტიაგო ბერნაბეუზე.

„ლონდონის „არსენალს“ დიდ პატივს ვცემ, მაგრამ ამ გუნდს ჩემპიონთა ლიგის გადამწყვეტ ეტაპებზე, განსაკუთრებით 1/4 ფინალში თამაშის გამოცდილება არ აქვს.“

„„მეთოფეებმა“ არ იციან, რას ნიშნავს სანტიაგო ბერნაბეუს გარემოში თამაში, ეს კი მადრიდულმა გრანდმა სათავისოდ უნდა გამოიყენოს და პირველივე წუთებში აჩვენოს მეტოქეს, რომ დომინანტი „ბლანკოსია“ და გამარჯვებისთვის იბრძვის.“

„მე ამ თამაშს განსაკუთრებული ინტერესით ველი, რადგან ვიცი, რომ „მერენგები“ უბრძოლველად არაფერს დათმობენ.“

„ვიცი, რა საუბრები იქნება ბერნაბეუს გასახდელში, ვიცი რას ეტყვის ანჩელოტი ფეხბურთელებს და ვიცი, რამხელა მუხტს მისცემს „რეალს“ არენაზე შეკრებილი ქომაგების დიდი არმია.“

„„მერენგებმა“ ყველაფერი უნდა გააკეთონ საწყის წუთებში გოლის გასატანად და უპირატესობის მოსაპოვებლად, ეს იქნება დამაბნეველი ფაქტორი „არსენალისთვის“, რომელიც როგორც უკვე აღვნიშნე, გამოცდილებას არ ფლობს, აქ კი ფსიქოლოგიას უდიდესი მნიშვნელობა აქვს.“

„მბაპე ძალიან მაღალი დონის შემტევია, მე ვიცი, რა შეუძლია ფრანგ ფეხბურთელს და სწორედ ამიტომ, მჯერა მისი შესაძლებლობების „არსენალის“ წინააღმდეგ. მივიჩნევ, რომ კილიანს გადამწყვეტი ფაქტორის თამაშიც შეუძლია.“

„მე, როგორც მადრიდისტას, ძალიან მიყვარს „რეალის“ გამარჯვებების ყურება და მოუთმენლად ველი ოთხშაბათს.“