ესპანური გამოცემების ცნობით, კარლო ანჩელოტი „არსენალის“ წინააღმდეგ მაქსიმალურად ფრთხილი ტაქტიკის არჩევას აპირებს და მიიჩნევს, რომ დაცვის ხაზი ძალიან ძლიერი უნდა იყოს.

სწორედ აღნიშნულიდან გამომდინარე, დავიდ ალაბამ შესაძლოა მარცხენა მცველად იასპარეზოს, ვინაიდან ყველამ იცის, რომ ფრან გარსია უფრო შემტევი მცველია და დაცვითი ფუნქციების შესრულება უჭირს. ის არ ჰგავს მენდის, რომელსაც შეუძლია საიმედო ფეხბურთის ჩვენება დაცვაში.

მადრიდელი ექსპერტების ცნობით, დაცვის ხაზს ვალვერდე, რაულ ასენსიო, ანტონიო რუდიგერი და დავიდ ალაბა დააკომპლექტებენ.

ასევე ხაზგასმით ითქვა, რომ მარცხენა მცველის პოზიციაზე არ ითამაშებს ედუარდო კამავინგა, ვინაიდან ორელიან ჩუამენის არყოფნის პირობებში, ის ნახევარდაცვაში ძალიან საჭიროა, ამას ემატება არასაიმედო გამოსვლები, რომელიც ფრანგს მარცხენა ფლანგზე ამ სეზონში ჰქონდა.