ხორხე ვალდანომ „რეალში“ არსებული სიტუაცია შეაფასა და ანჩელოტის გუნდის შანსებზე ისაუბრა. ის ასევე შეეხო მბაპეს, ვინისიუს ჟუნიორს და სხვა ფეხბურთელებს.

„წინ ძალიან საინტერესო დაპირისპირება გველის. „არსენალი“ კარგ ორგანიზებული, რესურსით სავსე, სწრაფი და ტექნიკური გუნდია, მაგრამ რა ვქნათ, რომ ეს არის ჩემპიონთა ლიგა, სადაც „რეალი“ ნებისმიერ მეტოქესთან ფავორიტია. ვფიქრობ, ძალიან საინტერესო ბრძოლები გველის. ორივე შეხვედრაში საინტერესო მომენტებს ვიხილავთ.“

„სამეფო თასზე „ელ კლასიკო“ საინტერესო იქნება. მიუხედავად იმისა, რომ „ბარსელონამ“ „რეალი“ ამ სეზონში უკვე 2-ჯერ დაამარცხა, ფლიკის გუნდისთვის მაინც „ბლანკოსია“ ყველაზე რთული მეტოქე.“

„„ბარსელონას“ ჰყავს საინტერესო ნახევარდაცვა, ასევე სწრაფი ფეხბურთელები, რომლებიც დომინირებენ, მაგრამ „ელ კლასიკოში“ ვერაფერს დაგეგმავს. ეს არის შეხვედრა, სადაც ორივე გუნდს აქვს გამარჯვების შანსი.“

„მბაპე გუნდისთვის უკვე დიდ ძალას წარმოადგენს. ფრანგთან დაკავშირებით მქონდა გარკვეული პროგნოზები, მაგრამ ახლა ამ საკითხის ფართოდ მიმოხილვის დროს ვერ ვხედავ. მივიჩნევ, რომ კილიანს კიდევ შეუძლია საკუთარი როლის გაზრდა „მერენგების“ რიგებში.“

„ფაქტი ის არის, რომ „რეალში“ კილიანის პოზიცია შეიცვალა და ის ცენტრ-ფორვარდი გახდა, თუმცა მაინც აუღო ალღო ახალ გამოწვევას და უკვე 33 გატანილ გოლს მოითვლის. ჩემი აზრით, ფრანგის საუკეთესო პოზიცია მაინც მარცხენა შემტევია, თუმცა ფაქტია, რომ ის დიდ პროგრესს აჩვენებს ახალ პოზიციაზეც.“

„ვინისიუს ჟუნიორს ხშირად აკრიტიკებენ, მაგრამ ბრაზილიელი ამაზე არ რეაგირებს, ის აგრძელებს თავის საქმეს და საკმაოდ წარმატებულია.“

„ანჩელოტის მომავალი? ვფიქრობ, „ელ კლასიკოებზე“ ბევრი რამ იქნება დამოკიდებული. თუ იტალიელი ორივე „ელ კლასიკოს“ წააგებს, მისი „რეალში“ დარჩენის შანსი აღარ იარსებებს.“

„„რეალი“ ძალიან მკაცრი კლუბია, აქ მოდუნების უფლება არავის აქვს. მიხარია, რომ კასტილიელების მიმართ ბოლო დროს მეტი ყურადღებაა გამოჩენილი. გასულ თვეებში ახალგაზრდა რაულა ასენსიომ დიდი პროგრესი გვიჩვენა და ყველა დაგვარწმუნა, რომ ახალგაზრდებს კარგი შანსი აქვთ.“

„ფიზიკური მომზადების მხრივ, პირადად ჩემთვის ვინისიუსი ძალიან ეფექტურია. ის, რასაც ბრაზილიელი დამატებით ტაიმებში აჩვენებდა უბრალოდ საოცარია.“