ორელიან ჩუამენის დისკვალიფიკაცია აქვს, ფედერიკო ვალვერდე დაცვის მარჯვენა ფლანგს უბრუნდება. კარლო ანჩელოტი „მეთოფეების“ წინააღმდეგ სპეციალურ გეგმავს ამუშავებს.

„არსენალი“ შემტევი გუნდია, რომელიც ფლანგებიდან ხშირად ამწვავებს სიტუაციას.

გამომდინარე იქედან, რომ ფერლან მენდიმ აღდგენითი პროცესი ვერ მოასწრო, დაცვის მარცხენა ფლანგზე ფრან გარსია ითამაშებს.

სათადარიგო სკამზე დაჯდება ლუკას ვასკესი, მარჯვენა მცველი კი ფედერიკო ვალვერდე იქნება.

ნახევარდაცვაში გუნდს ფედეს გარდა, ჩუამენიც ვერ დაეხმარება. არსებული ინფორმაციით, კარლო შუა ხაზში კამავინგას, მოდრიჩისა და ჯუდ ბელინგემის ტრიოს გამოიყენებს, რადგან სხვა გზა არ აქვს.

მაღალი ალბათობით, სასტარტო შემადგენლობას დაუბრუნდება რაულ ასენსიო, რომელიც დაცვის ცენტრში რუდიგერს შეუწყვილდება.

რაც შეეხება შემტევ ტრიოს, აქ კარლო არცერთი ცვლილების განხორციელებას არ გეგმავს.