მადრიდის „რეალმა“ „ვალენსიასთან“ დაპირისპირება წააგო, რაც იმას ნიშნავდა, რომ „ბარსელონას“ „ბეტისთან“ გამარჯვება 99%-იან ჩემპიონობას ნიშნავდა.

ჰანსი ფლიკის გუნდმა სევილიური ბარიერი ვერ გადალახა და მხოლოდ ფრეს დასჯერდა.

ახლა „რეალსა“ და კატალონიურ გრანდს შორის სხვაობა 4 ქულაა, რაც იმას ნიშნავს, რომ სამეფო კლუბი ჩემპიონობის შანსს კვლავ ინარჩუნებს.

ფაქტი ის არის, რომ ანჩელოტის გუნდს ბარსელონაში ვიზიტის დროს გამარჯვება სჭირდება, სხვა შემთხვევაში, საჩემპიონო ორთაბრძოლა ვერ შედგება.

ლა ლიგის დასრულებამდე 8 ტურია დარჩენილი და 24 ქულა გასათამაშებელი.