მიკელ არტეტამ ბრიტანელ ჟურნალისტებთან ჩემპიონთა ლიგის მოახლოვებულ დაპირისპირებაზე ისაუბრა.

„სიმართლე გითხრათ ძალიან აღელვებული და ამასთანავე მოტივირებული ვარ. ჩვენ პრემიერლიგაში უკვე წლებია სტაბილურ სერიას ვაფიქსირებთ, მაგრამ ჩემპიონთა ლიგის 1/4 ფინალში ბოლო ათწლეულში არც ისე ხშირად მოვხვედრილვართ.“

„გუნდი წინ მიიწევს, ეტაპობრივ პროგრესს აჩვენებს და გვჯერა, რომ მთავარი წარმატებები ჯერ კიდევ წინ არის.“

„ჩემპიონთა ლიგის 1/4 ფინალში „არსენალის“ მეტოქე ევროსარბილზე ყველაზე ძლიერი გუნდია. მერწმუნეთ, მადრიდული გუნდის მენტალობა, გამოცდილება და ხასიათი ძალიან ბევრს წყვეტს.“

„თუ ჩვენ ანჩელოტის გუნდის დამარცხება გვსურს, სეზონის საუკეთესო თამაში უნდა ჩავატაროთ და ხშირ შემთხვევაში საკუთარ თავსაც ვაჯობოთ.“

„შესაძლოა „ბლანკოსის“ წინააღმდეგ კარგად ითამაშო, მაგრამ მაინც დამარცხდე, სწორედ ამიტომ სხვა ასპექტებიც გასათვალისწინებელია. ჩვენ გვჭირდება არა კარგი თამაში, არამედ უშეცდომო გამოსვლა.“

„პირველ შეხვედრას უდიდესი მნიშვნელობა ექნება, თუმცა რა თქმა უნდა, ბერნაბეუზე თამაშზეც უნდა ვიფიქროთ.“

„შესაძლოა მოედანზე ყველაფერი ჩვენზე არ იყოს დამოკიდებული, მაგრამ მომზადების დროს ცალსახად ჩვენს მონდომებაზე იქნება დამოკიდებული ხარისხი, რომელსაც ვაჩვენებთ.“

„ოდეგორი? მარტინი კარგად იცნობს „რეალს“, მან პირველი ნაბიჯები სწორედ სანტიაგო ბერნაბეუზე გადადგა. ნორვეგიელის მადრიდული კარიერა დიდხნიანი და წარმატებული ვერ გამოდგა, თუმცა დანამდვილებით შემიძლია გითხრათ, რომ ის „არსენალში“ თავს ბედნიერად გრძნობს და გუნდისთვის უმნიშვნელოვანესი ფიგურაა.“