მადრიდის „რეალის“ ფეხბურთელებმა „ვალენსიასთან“ შეხვედრის წინ ფინალური ვარჯიში გამართეს.

აღსანიშნავია, რომ სესია ძლიერი წვიმის ფონზე შედგა, რამაც გარკვეული პრობლემებიც გამოიწვია, თუმცა მოთამაშეებმა ყველა დავალება შეასრულეს.

ფერლან მენდის და დანი სებალიოსის აღდგენითი პროცესი გრძელდება და ბოლო ფაზაშია.

კვლავ ვერ ივარჯიშა ტიბო კურტუამ, რომელიც სავარაუდოდ „არსენალთან“ დაბრუნდება.

შეკრებაზე დიდი ყურადღება დაეთმო ბურთის ფლობის კომპონენტს, პრესინგს, კარში დარტყმებს და ტაქტიკურ მონახაზებს.

შეგახსენებთ, „რეალისა“ და „ვალენსიას“ დაპირისპირება ხვალ, 5 აპრილს, თბილისის დროით 18:15 საათზე აიღებს სტარტს.