კარლო ანჩელოტიმ „ვალენსიასთან“ დაპირისპირების წინ პრესკონფერენცია გამართა.

„„ლა კოპას“ დაპირსპირებაში საკმაოდ დიდი ენერგია დავხარჯეთ, რადგან მოედანზე 120 წუთი გავატარეთ, მაგრამ ფეხბურთელებს ერთდღიანი დასვენების საშუალება მივეცი, შემდეგ კი მაქსიმალურად ვეცადე, ფიზიკური თვალსაზრისით მოწოდების სიმაღლზე ვმდგარიყავით.“

„გუნდი საკმაოდ მოტივირებულია და აცნობიერებს, რამდენად რთული დაპირისპირება მოუწევს „ვალენსიას“ წინააღმდეგ, ჩვენ ბევრი გვექნება სამუშაო.“

„ჯერ კიდევ არ ვიცი, ითამაშებს თუ არა ლუნინი. თუ უკრაინელი ვერ დაგვეხმარება, შანსს მიიღებს ახალგაზრდა ფრან გონსალესი, რომელიც ძალიან პერსპექტიული და მაღალი კლასის კარის დარაჯი გახლავთ.“

„კურტუა ექსტრა კლასის მეკარეა. ზუსტად ვიცი, რომ ის „არსენალის“ წინააღმდეგ დაპირისპირებაში მოედანზე გასვლას შეძლებს.“

„მიხარია, რომ „ლა კოპას“ ფინალში გავედით. არ აქვს მნიშვნელობა „ბარსელონას“ შევხვდებოდით, თუ „ატლეტიკოს“. ორივე გუნდი ძალიან ძლიერია და მათთან თამაში საოცარ ძალისხმევას მოითხოვს.“

„სასამართლო პროცესი ჩატარდა, ახლა კი მოსამართლის გადაწყვეტილებას ველოდები. როგორც გუშინაც აღვნიშნე, მე ყველაფერში მართალი ვარ და არანაირი დარღვევა არ მაქვს.“

„ჯუდ ბელინგემმა არნახული ენერგია დახარჯა ნახევარფინალურ დაპირისპირებაში. შესაძლოა, ინგლისელს დასვენების საშუალება მივცე. ჯერ-ჯერობით სასტარტო შემადგენლობის ფორმირების პროცესში ვარ.“

„ოპტიმისტურად უნდა ვიყოთ განწყობილები და დავიჯეროთ, რომ მოგებების სერიის დაფიქსირება შეგვიძლია, ჩვენ ყველა თამაშს ისე უნდა მივუდგეთ, როგორც ფინალს.“

„„ბარსელონა“ საკმაოდ ხარისხიან ფეხბურთს თამაშობს და ყველა ფრონტზე აქვს შანსი, მე ამ გუნდს პატივს ვცემ და დარწმუნებული ვარ, კატალონიური მხარეც პატივს სცემს სამეფო კლუბს.“

„დაცვითი სიმყარის მხრივ პრობლემები აშკარა და თვალნათლივი იყო. „სოსიედადთან“  4 გოლის გაშვების შემდეგ, ფეხბურთელებთან ბევრი ვისაუბრე.“

„ენდრიკმა და არდა გიულერმა საკმაოდ კარგი შთაბეჭდილება დატოვეს. შესაძლოა, რომელიმეს „ღამურების“ წინააღმდეგ შანსი მივცე.“

„ჩემი მომავალი? არ ვარ ის ადამიანი, ვისაც მადრიდის დატოვება სურს. თუ გუნდი მეტყვის, რომ თავისუფალი ვარ, ამ გადაწყვეტილებას პატივს ვცემ. ყოველთვის გუნდის საუკეთესო ინტერესებიდან გამომდინარე ვმოქმედებ.“