ჩუამენი:„არასდროს ვნებდებით, ეს ჩვენი ხელწერაა“
ორელიან ჩუამენიმ „სოსიედადთან“ შეხვედრის შემდეგ „რეალის“ ტელევიზიასთან ისაუბრა.
„არასდროს ვნებდებით, ეს ჩვენი ხელწერაა. ამოცანა ძალიან გართულდა მაშინ, როდესაც ანგარიში 1:3 გახდა, მაგრამ ჩვენ არცერთი წუთით არ დაგვიჯერებია, რომ ფინალში გასვლას ვერ შევძლებდით.“
„მადლობა გულშემატკივართა დიდ არმიას, რომელიც მხარს გვიჭერდა და ბოლო წუთამდე გვამხნევებდა.“
„გოლის გატანა ყოველთვის მიხარია, მაგრამ როდესაც ეს ბერნაბეუზე ხდება, სულ სხვა განცდები მაქვს. ამას კი ემატებოდა გოლის მნიშვნელობა.“
„ფიზიკური თვალსაზრისით გუნდი მოწოდების სიმაღლეზე დგას და ეს 120 წუთშიც კარგად გამოჩნდა, მაგრამ უნდა აღინიშნოს, რომ სანტიაგო ბერნაბეუზე 4 გოლის გაშვება არავის გახარებია. ეს არის უმნიშვნელოვანესი კომპონენტი, რომლის მიმართულებით ბევრი მუშაობა გვმართებს.“
„„რეალის“ მიზანი ყოველი სეზონის წინ არის ყველა ტიტულის მოგება. ჩვენ ვიბრძვით, როგორც „ლა კოპას“, ასევე ლა ლიგის და ჩემპიონთა ლიგის მოგებისთვის.“
- გუშინ, 12:04
- 390
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
