ანჩელოტი:,,ფინალში უძლიერესი მეტოქე გვეყოლება"
„სოსიედადთან“ დრამატული შეხვედრის შემდეგ კარლო ანჩელოტიმ პრესკონფერენცია გამართა.
„ფინალი არის ის, რაც ყველაზე მეტად გვსურდა, ამიტომ ყველა მადრიდისტას ვულოცავ, თუმცა აქვე უნდა ვთქვა, რომ 4 გოლის გაშვება, თანაც სანტიაგო ბერნაბეუზე დასაფიქრებელი საკითხია. დაცვაში მეტი ყურადღებით თამაში გვმართებს და ამ კომპონენტზე ძალიან ბევრი უნდა ვიშრომოთ.“
„უნდა აღინიშნოს, რომ ვინისიუს ჟუნიორმა საოცარი თამაში გვიჩვენა და ამ დაპირისპირებაში უდიდესი წვლილი შეიტანა.“
„ვერ ვხვდები, რატომ არ გააძევა მსაჯმა „სოსიედადის“ ფეხბურთელი, ეს აშკარად წითელი ბარათი იყო.“
„გუნდმა აჩვენა, რომ კარგ ფიზიკურ მდგომარეობაში იმყოფება. 120 წუთი ბრძოლა მარტივი არ ყოფილა. დამატებითი დროის მეორე ტაიმში ნათლად გამოჩნდა, რომ მეტოქეს ტემპში აყოლა აღარ შეეძლო, რაც საჩვენოდ გამოვიყენეთ.“
„ბერნაბეუზე მაგიური ღამეები გრძელდება, ამ სტადიონს ყოველთვის განსაკუთრებული აურა აქვს. ფანებმა დაიმსახურა ჩვენი ფინალში გასვლა, ახლა კი უნდა გავიმარჯვოთ.“
„„ატლეტიკო“ თუ „ბარსელონა“? ორივე ურთულესი მეტოქე იქნება. თუ ფინალში „ელ კლასიკოს“ ვიხილავთ, აუცილებლად ვეცდებით გამარჯვებას და წინა წაგებების კომპენსირებას.“
„ენდრიკი ფანტასტიკური მოთამაშეა, მისი ტექნიკური მონაცემები მაიმედებს. გოლის მომენტში მან იდეალურად გააკონტროლა ბურთი, შემდეგ კი ეფექტური გოლის გატანა შეძლო. სამეფო თასის ფინალში გასვლაში ფელიპემ მთელი ტურნირის მანძილზე დიდი წვლილი შეიტანა.“
„
- 2 აპრილი 2025
- 1 288
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
