იტალიური გამოცემების ცნობით, მილანის „ინტერი“ ნიკო ფასის ყიდვით სერიოზულად არის დაინტერესებული.

„შავ-ლურჯები“ მადრიდის „რეალს“ დაუკავშირდნენ და კონკრეტული წინადადება შესთავაზეს.

არსებული ინფორმაციით, მილანური მხარი მზად არის, მადრიდის „რეალს“ ნიკოს სანაცვლოდ 52 მილიონი ევრო გადაუხადოს.

„ინტერის“ ხელმძღვანელობა არგენტინელ ფეხბურთელს დიდ პერსპექტივას ხედავს, თანაც სამხრეთ-ამერიკელმა „კომოში“ უკვე დაამტკიცა, რომ სერია „ა“-ს იდეალურად ერგება და შესაძლებლობების გამოვლენა შეუძლია.

ზემოაღნიშნული თანხა ცოტა ნამდვილად არ არის, მაგრამ ფლორენტინო პერესი ჯერ-ჯერობით ფიქრის პროცესშია, ვინაიდან თავადაც აკვირდება ახალგაზრდის არნახულ პროგრესს და მისი ბერნაბეუზე დაბრუნება სურს.