კარლო ანჩელოტიმ „სოსიედადთან“ მატჩის წინ პრესკონფერენცია გამართა.

„დარწმუნებული ვარ, „ლა კოპას“ დაპირისპირება საინტერესო გამოვა. ჩვენ კარგად მოვემზადეთ და მიმაჩნია, რომ ფეხბურთელებისგან ახლა უკვე შეიძლება მაქსიმუმის მიღება.“

„ამ სეზონში ყველა ტურნირის მასშტაბით უკვე 50 დაპირისპირება გავმართეთ, რაც ურთულესია. როდესაც „მილანის“ მწვრთნელი ვიყავი, გაცილებით ნორმირებული კალენდარი იყო. იმედი მაქვს, დადგება დრო, როდესაც ფეხბურთელებს დასვენებისთვის და ენერგიის აღდგენისთვის მეტი დრო მიეცემათ, ეს მათი თამაშის ხარისხზე პირდაპირპროპორციულად აისახება.“

„ლუნინი? ვნახოთ, უკრაინელი კიდევ მიიღებს დროს. თუ „ლა კოპას“ ფინალში გავალთ, მეკარეზე აუცილებლად ვიფიქრებ.“

„ენდრიკით აღფრთოვანებული ვარ, ის მშვიდი ახალგაზრდაა და ბევრს მიაღწევს. მთავარი ის არის, რომ ბრაზილიელი ბევრს შრომოს, შესაძლოა ბასკების წინააღმდეგ, ფელიპეს სათამაშო დრო მივცე.“

„მენდის ტრავმის პირობებში, ფრან გარსიამ ძალიან მნიშვნელოვანი საქმეები გააკეთა.“

„მბაპემ უკვე 33 გოლი გაიტანა. ერთადერთი რაც შემიძლია კილიანს ვუსურვო, კრიშტიანო რონალდუს რაოდენობის გოლის გატანაა.“

„ვინც ფიქრობს, რომ „ბარსელონა“ უკეთესად თამაშობს, ვიდრე „რეალი“, მე მათ აზრს პატივს ვცემ.“

„დავიდ ალაბას აღდგენითი პროცესი გრძელვადიანი იყო, ახლა კი საკმაოდ კარგად ვარჯიშობს. ავსტრიელი ფეხბურთელისთვის 3 დღეში ერთხელ თამაში მარტივი არ არის, თუმცა შეუძლია ძალების მოსინჯვა.“

„თასის ფინალამდე ერთი ნაბიჯის გადადგმა დარჩა, ეს კი ძალიან ბევრს ნიშნავს. ჩვენ გვაქვს უდიდესი მოტივაცია და გვინდა, რომ „ლა კოპას“ ოქროს მედლებს დავეუფლოთ.“

„ენდრიკი იმ გზას გადის, რასაც ვინი, გოეში, ვალვერდე და სხვები გადიოდნენ. ბრაზილიელმა ფეხბურთელმა ბევრი უნდა ისწავლოს, ის დიდი კონკურენციის პირობებში ცდის ბედს.“

„ის, რასაც მარსელოს შვილი აკეთებს, ძალიან ბევრს ნიშნავს. დარწმუნებული ვარ, ენცო უმაღლესი დონის ფეხბურთელი დადგება.“

„შარშან ლა ლიგის თასი ტურნირის დასრულებამდე გაცილებით ადრე გავინაღდეთ და ჩემპიონთა ლიგაზე გუნდს განტვირთვის საშუალება ჰქონდა. ახლა სიტუაცია სხვაგვარია და ყველა ტურს მნიშვნელობა აქვს.“

„ნაკლები დასვენება თასის ფინალისთვის? ახლა ამაზე არ ვფიქრობ, რადგან ფინალში არ გავსულვართ. მოდით კალენდარზე იმ შემთხვევაში ვისაუბროთ, თუ ფინალში გავალთ.“