ესპანური გამოცემების ცნობით, მადრიდის „რეალი“ ახლოს არის ცენტრალური მცველის დამატებასთან, რომელზეც ევროპის არაერთი გრანდი ოცნებობს.

დინ ჰოისენის პრიორიტეტი, არა პრემიერლიგის ან იტალიის ჩემპიონატის გრანდების რიგებში მოხვედრა, არამედ ესპანეთში დაბრუნება და მადრიდის „რეალის“ მაისურის მორგებაა.

არსებული ინფორმაციით, ფეხბურთელთან მადრიდული დელეგაციის შეხვედრამ წარმატებით ჩაიარა. შეიძლება ითქვას, რომ კლუბს თავად ახალგაზრდა ცენტრალური მცველის თანხმობა უკვე აქვს.

ახლა მთავარია „ბორმუთის“ დაყოლიება, რომელიც მაქსიმალურად ცდილობს, 19 წლის ნიჭიერი მცველის სანაცვლოდ დიდი სარგებელი მიიღოს.

გავრცელებული ინფორმაციით მიხედვით, „რეალის“ წარმომადგენლობა ინგლისში ვიზიტს უახლოეს მომავალში ჩანიშნავს.