იმ ფონზე, რომ „კომო“ ნიკო ფასის შენარჩუნებას ცდილობს, მადრიდის „რეალი“ კი ფეხბურთელის უკან დაბრუნებაზე სერიოზულად მუშაობს, ასპარეზზე ტურინის „იუვენტუსიც“ გამოვიდა.

იგორ ტუდორის გუნდი სერიოზულ გაძლიერებაზე ფიქრობს და ზაფხულში რამდენიმე ტრანსფერი აქვს გადაწყვეტილი.

არსებული ცნობით, „ბებერი ქალბატონის“ ხელმძღვანელობა მადრიდის „რეალისთვის“ საინტერესო თანხის შეთავაზეს ფიქრობს და მიიჩნევს, რომ არგენტინელის დამატება სრულიად შესაძლებელია.

ნიკო ტურიდან ტურამდე ამტკიცებს, რომ ძალან დიდი პერსპექტივა აქვს, სწორედ ამიტომ, მის მიმართ ინტერესი იზრდება.

TransferMarkt-ის მონაცემებით, სამხრეთ-ამერიკელი ფეხბურთელის ამჟამინდელი ფასი 35 მილიონი ევროა. „კომოში“ გადასვლის შემდეგ მისი ფასი უკვე 20 მილიონით გაიზარდა და პროცესს კიდევ აქვს განვითარების პერსპექტივა.