დანიელ კარვახალმა ჟურნალისტებთან ინტერვიუში საკუთარ მდგომარეობასა და სამომავლო გეგმებზე ისაუბრა.

„პატარა ბიჭი აღარ ვარ და ვიცი, რომ ნებისმიერი ტრავმის მკურნალობა უფროდაუფრო მეტ პრობლემას დაუკავშირდება, სწორედ ამიტომ, დაზიანებებს თავი უნდა ავარიდო.“

„5 თვეზე მეტი გავიდა მას შემდეგ, რაც ოპერაცია გავიკეთე და დაიწყო ურთულესი აღდგენითი პროცესი.“

„დიდი მადლობა ჩემს მეუღლეს, რომელმაც დიდი დახმარება გამიწია და ფსიქოლოგიურად მამხნევებდა. პირველი კვირები ურთულესი იყო.“

„მახსენდებოდა მომენტები, ჩემპიონთა ლიგის საღამოები და მეძლეოდა იმედი, რომ კვლავ დავბრუნდებოდი.“

„სიმართლე გითხრათ ვერ ვივიწყებ მატჩს, რომელიც „სიტისთან“ გვქონდა და საოცარი „ქამბექი“ შევთავაზეთ მაყურებელს. მაშინ გასახდელში შევედი და თავი გლადიატორი მეგონა.“

„არ ვიცი, შევძლებ თუ არა მსოფლიო საკლუბო ჩემპიონატზე ასპარეზობას, მაგრამ ზუსტად ვიცი, რომ მალე დავბრუნდები და ძალიან მაღალ დონეს ვაჩვენებ.“

„მე უკვე ჩავიცვი ბუცები და მალე დავიწყებ ბურთთან ერთად ვარჯიშს. ეს დიდი პროგრესია, თუმცა ვიცი, რომ მჭირდება დინამიკა, სისწრაფეების განვითარება, არაერთი კვლევა.“

„ჯერ კიდევ დიდი გზაა დარჩენილი, მაგრამ ახლა თავად ბევრად ბედნიერად ვგრძნობ, ვიდრე 3-4 თვის წინ.“