ესპანური გამოცემების ცნობით, დინ ჰოისენის მიმართ მადრიდის „რეალის“ ინტერესი უფროდაუფრო მკვეთრი ხდება.

ფლორენტინო პერესს 19 წლის მცველის პერსპექტივა ძალიან ხიბლავს და მიიჩნევს, რომ ეს ტრანსფერი აუცილებლად უნდა შედგეს.

დინი პერსპექტიული ფეხბურთელია, თანაც მასზე მრავალწლიანი გათვლის გაკეთება შეიძლება. მისი მნიშვნელოვანი მხარეა ესპანელობაც, რაც პერესს დამატებით ხიბლავს. ფლორენტინო აპირებს, რომ მომდევნო წლებში ესპანელ ფეხბურთელებზე მეტი აქცენტი გააკეთოს.

ამის პარარელურად, არაერთი გამოცემა იუწყება, რომ ჰოისენის მიმართ ინტერესს „სიტი“, „პსჟ“, ლონდონის „ჩელსი“, მიუნხენის „ბაიერნი“ და „მილანი“ იჩენენ, რაც კონკურენციას მეტისმეტად ზრდის.

მადრიდული გრანდის პრეზიდენტის დავალებით, „რეალს“ ხელმძღვანელობა უკვე დაუკავშირდა „ბორმუთის“ ფეხბურთელს და საკუთარი ხედვა გააცნო.

სამეფო კლუბი მზად არის, ესპანელი ფეხბურთელის 2025 წლის ზაფხულში დაიმატოს და 1 წლიანი იჯარით კვლავ პრემიერლიგაში დატოვოს, გუნდში კი 2026 წლის ზაფხულიდან, ანუ მსოფლიო ჩემპიონატის დასრულების შემდეგ ჩარიცხოს.

ეს ვარიანტი თავად ფეხბურთელისთვისაც საინტერესო უნდა იყოს, ვინაიდან მისთვის პრემიერლიგაში დარჩენა მუდმივ სათამაშო პრაქტიკას ნიშნავს, რომ მუნდიალისკენ გზას გაუხსნის.