მადრიდული „მარკას“ ინფორმაციით, რაულ ასენსიოსა და მადრიდის „რეალს“ შორის ახალ კონტრაქტზე შეთანხმება მოხდა.

ახლა ყველა ოფიციალურ გნაცხადებას ელის, თუმცა კონტრაქტის ყველა დეტალი დაზუსტებულია.

არსებული ცნობით, ახალგაზრდა მცველი „მერენგების“ სადარაჯოზე 2029 წლის 30 ივნისამდე დარჩება.

ამ სეზონის ბოლომდე რაულის ხელფასი 1 მილიონი ევრო იქნება, შემდეგ კი 4 მილიონით გაიზრდება და 5 მილიონს მიაღწევს.

ასევე ვრცელდება ინფორმაცია, რომლის მიხედვითაც, ეს ხელშეკრულება არსებული ფორმით არ დასრულდება და თუ ესპანელი მსგავს პროგრესს განაგრძობს, 2 წელიწადში დამატებით 6 წლიან კონტრაქტს მიიღებს გაუმჯობესებული პირობებით.

ფლორენტინო პერესი აღფრთოვანებულია თამაშის ხარისხით, რომელსაც ახალგაზრდა კანტერანო აჩვენებს.