კარლო ანჩელოტი 2023/24 წლების სეზონის საუკეთესო იტალიელ მწვრთნელად დასახელდა და სპეციალური ჯილდოც გადაეცა. გალა ღონისძიებაზე რომელსაც მსოფლიოს არაერთი ლეგენდა ესწრებოდა, კარლომ მცირე მასტერ კლასიც ჩაატარა და კოლეგებს ხედვა გააცნო.

„აქ ყოფნა ძალიან ამაღელვებელია, ყველას მადლობა, ვინც გადაწყვიტა, რომ საუკეთესოდ დავესახელებინე. მადრიდის „რეალის“ სათავეში დგომა მარტივი არ არის, უდიდეს გამოცდილებას და ფსიქოლოგიურ მდგრადობას მოითხოვს.“

„ჩვენ არ გვაქვს ერთი სტილი, ვერგებით სიტუაციას და კონკრეტულ საჭიროებას, რომელიც ტოპ მატჩებში არსებობს.“

„კარგი მენეჯერობა, კარგ ფსიქოლოგობას და კარგი მართვის უნარს გულისხმობს. „ბლანკოსის“ ფეხბურთელებს შემართება, თავგანწირვა და კონცენტრაცია არ აკლიათ, ეს კი თანამედროვე ფეხბურთში უმთავრესია.“

„აღნიშნული ჯილდო ადრეც რამდენჯერმე მოვიგე, რაც დიდი მოტივაციაა. კიდევ ერთხელ დიდი მადლობა ყველას.“