ბრიტანული გამოცემების ცნობით, მანჩესტერ „სიტი“ ზაფხულში მანუელ აკანჯის გაშვებას აპირებს.

ხოსეპ გვარდიოლა დაცვის ცენტრის ახალი კომპლექტაციის ჩამოყალიბებას გეგმავს, სადაც აკანჯის აღარ მოიაზრებს.

არსებული ცნობით, „სიტიმ“ ფეხბურთელი მადრიდის „რეალს“ შესთავაზა, მაგრამ ფლორენტინო პერესისგან უარი მიიღო, ვინაიდან „ბლანკოსი“ აქცენტს ახალგაზრდა მცველებზე აკეთებს.

ასევე ვრცელდება ინფორმაციები, რომლის მიხედვითაც, „სიტი“ აკანჯის რაულ ასენსიოს ტრანსფერში ჩართვას ითხოვდა, მაგრამ სამეფო კლუბი ესპანელ ფეხბურთელთან დაკავშირებით მტკიცე უარზეა.