იტალიური გამოცემების ცნობით, მილანის „ინტერს“ არდა გიულერის 1 ან 2 წლიანი იჯარით აყვანა სურს.

თურქი ფეხბურთელის დარწმუნებაში „შავ-ლურჯებს“ გიულერის თანამემამულე ჰაკან ჩალჰანოღლუ ეხმარება, რომელიც არდას ოჯახს კარგად იცნობს და თავად ფეხბურთელთანაც ახლო ურთიერთობა აქვს.

ჩალჰანოღლუმ 2 დღის წინ არდაზე ისაუბრა და ჟურნალისტებთან კიდევ ერთხელ დააფიქსირა, რომ ახალგაზრდა ტალანტს დიდი პერსპექტივა აქვს, თუმცა სათამაშო დრო სჭირდება.

იმ ფონზე, რომ გიულერის სათამაშო დრო ამ სეზონშიც არ არის სახარბიელო, იჯარით წასვლის საკითხი ეტაპობრივად დგება დღის წესრიგში.