კარიმ ბენზემასა და მადრიდის „რეალს“ შორის მომავალზე აბსოლუტური შეთანხმებაა მიღწეული.

პროფესიონალური საფეხბურთო კარიერის დასრულებისთანავე ფრანგი ლეგენდა მადრდის „რეალში“ იმუშავებს.

ჯერ-ჯერობით უცნობია, რა მიმართულებით დაეხმარება „9“-იანი ფლორენტინო პერესს.

არსებული ინფორმაციის მიხედვით, კარიმი პირველ ეტაპზე მენეჯმენტში დასაქმდება, ხოლო თუ შემდეგ სამწვრთნელო საქმიანობას გადაწყვეტს, „მერენგების“ ხელმძღვანელობა მას ყველაფერში ხელს შეუწყობს.

ჯერ-ჯერობით უცნობია, როდის დაასრულებს კარიერას კარიმი, თუმცა არაოფიციალური ცნობების მიხედვით, ის ფეხბურთიდან წასვლას მომდევნო სეზონის ბოლოს, 2026 წლის ზაფხულში გეგმავს.