ესპანური გამოცემების ცნობით, ფედე ვალვერდესთან დაკავშირებით ურუგვაის ნაკრებს საკუთარი პოზიცია აქვს.

მადრიდის „რეალი“ სამხრეთ-ამერიკულ მხარეს მოუწოდებს, რომ ვალვერდე ნაკრებიდან გაათავისუფლოს, მაგრამ ურუგვაელები აცხადებენ, რომ ნახევარმცველი ეროვნულ გუნდში ისედაც გადატვირთული კუნთით და დისკომფორტით ჩავიდა და მატჩები, რომელიც მან საკლუბო ასპარეზზე გამართა, ფეხბურთელის ჯანმრთელობისთვის არასახარბიელო გახლდათ.

როგორც მოგეხსენებათ, „რეალის“ ლიდერმა ურუგვაისა და არგენტინის დაპირისპირებაში 72-ე წუთზე მოედანი დატოვა.

გავრცელებული ცნობების მიხედვით, ურუგვაელთა სამედიცინო შტაბი ვალვერდეს აკვირდება და საქმეში ჩართულია „ბლანკოსის“ ექიმების ჯგუფიც.