მადრიდული გამოცემების ცნობით, მანჩესტერ „სიტის“ მთავარი მწვრთნელი, ხოსეპ გვარდიოლა რაულ ასენსიოს დამატებით ინტერესდება.

Confidencial-ის ინფორმაციით, პეპი სოლიდურ თანხას ამზადებს და სჯერა, რომ ასენსიოს ტრანსფერის სრულყოფა შესაძლებელია.

სულ ცოტა ხნის წინ, TransfeMarkt-მა რაულის შესაძლებლობები 30 მილიონ ევროდ შეაფასა, მაგრამ ეჭვი არავის ეპარება, რომ მადრიდის „რეალი“ ახალგაზრდა და ძალიან პერსპექტიულ ფეხბურთელს ამ ფასად არ გაყიდის.

ჯერ-ჯერობით უცნობია, რა თანხის გადახდას აპირებს გვარდიოლა, თუმცა ფაქტია, რომ პეპს ახალგაზდა მადრიდელი იზიდავს და ტრანსფერზე მოლაპარაკებების დაწყებას გეგმავს.