კარლო ანჩელოტის „ლეგანესთან“ დაპირისპირებაში მარცხენა მცველის პრობლემა არ ექნება.

არსებული ინფორმაციით, ფრან გარსიას სარეაბილიტაციო კურსი ძალიან სწრაფად მიმდინარეობს და ესპანელი განაპირა მცველი „ლეგანესთან“ შეხვედრას სრულ მზადყოფნაში შეხვდება.

გამომდინარე იქედან, რომ ფერლან მენდი კიდევ 3 კვირის განმავლობაში ვერ დაბრუნდება, ანჩელოტის სამწვრთნელო შტაბს ბევრი სანერვიულო ჰქონდა და ედუარდო კამავინგას განიხილავდა მარცხენა მცველის პოზიციაზე.

მაღალი ალბათობით 6-7 დღეში გარსია გუნდთან ერთად სრული დატვირთვით ვარჯიშს დაიწყებს, რაც იმას ნიშნავს, რომ „ლეგანესთან“ შეხვედრას უპრობლემოდ შეხვდება.