რაულ ასენსიომ ესპანეთის ნაკრებთან ერთად პირველი ვარჯიში გამართა და კომენტარი გააკეთა.

„ჩემთვის აქ ყოფნა უდიდესი სიამოვნება და მოტივაციაა. დაიწყო ეტაპი და ეპოქა, რომელიც სულ სხვა სიმაღლეზე ამიყვანს. დიდი მადლობა დე ლა ფუენტეს, რომელმაც ნდობა გამომიცხადა.“

„დარწმუნებული ვარ, გავა წლები და ამ დროს გავიხსენებ, როგორც დიდი ეპოქის დასაწყისს.“

„ჩემთვის სერხიო რამოსი ყველაფრის მაგალითია და მსურს, სწორედ ისეთი კარიერა მქონდეს, როგორიც „რეალის“ ლეგენდარულ კაპიტანს ჰქონდა.“

„ვარჯიშის შუა ნაწილი იყო, ანჩელოტიმ პროცესი გააჩერა და ყველას გასაგონად თქვა, რომ ესპანეთის ნაკრებში გამომიძახეს. ალბათ ხვდებით, რამხელა ოვაციები მივიღე თანაგუნდელებისგან.“