კილიან მბაპემ მადრიდის „რეალში“ ყველა ტურნირზე 31-ე გოლის გატანა შეძლო.

ფრანგის ანგარიშზე ლა ლიგაში 20 გოლია, დანარჩენი 11 კი სხვადასხვა ტურნირზე მოდის.

ამ მაჩვენებლით მბაპემ უკვე გააუმჯობესა რონალდო ნაზარიოს პირველი სეზონის შედეგი, როდესაც ბრაზილიელმა 30 გოლი გაიტანა.

ახლა შემდეგი მიზანი კრიშტიანო რონალდუს შედეგის მიღწევა და გაუმჯობესებაა, რომელსაც პირველ მადრიდულ სეზონში 33 გოლი ჰქონდა გატანილი.

ეჭვი არავის ეპარება, რომ მბაპე ამ შედეგსაც გააუმჯობესებს და სეზონის ბოლოს 40 გოლიან ნიშნულს გადააჭარბებს, ვინაიდან ლა ლიგის დასრულებამდე 10 ტურია დარჩენილი, გუნდი ასევე იბრძვის ჩემპიონთა ლიგასა და ესპანეთის სამეფო თასზე.