ლა ლიგის დასრულებამდე 10 ტური რჩება, მადრიდის „რეალი“ 6 დაპირისპირებას სანტიაგო ბერნაბეუზე ჩაატარებს, 4 შეხვედრას კი გასვლაზე.

სანაკრებო პაუზის შემდეგ ესპანეთის ჩემპიონატი განახლდება და მადრიდული გრანდი საშინაო არენაზე „ლეგანესს“ უმასპინძლებს.

ამის შემდეგ კიდევ ერთი შეხვედრა ჩატარდება ბერნაბეუზე, სადაც ანჩელოტის ფეხბურთელები გიორგი მამარდაშვილის „ვალენსიასთან“ გაარკვევენ უძლიერესის ვინაობას.

შემდეგ მოდის „ალავესთან“ გასვლითი მატჩი და „ბილბაოს“ მიღება სახლში, რასაც მოყვება „ხეტაფესთან“ გასვლითი შეხვედრა და ვიგოს „სელტას“ მიღება მადრიდში.

35-ე ტურის მატჩს „რეალი“ „ბარსელონასთან“ გასვლაზე ითამაშებს, 36-ე ტურში „მალიორკას“ უმასპინძლებს, 37-ე ტურში „სევილიას“ ესტუმრება და ბოლო ტურის მატჩს სანტიაგო ბერნაბეუზე „სოსიედადის“ წინააღმდეგ გამართავს.