რაულ ასენსიოს სამეფო კლუბში საოცარი ციფრები აქვს. ფეხბურთელი, რომელიც მოედანზე სულ რაღაც 4 თვის წინ გამოჩნდა, 2 000 წუთიან ნიშნულს უახლოვდება.

რაულის ანგარიშზე 1 950 წუთია, საიდანაც 948 ლა ლიგაზე მოდის, 584 ჩემპიონთა ლიგაზე, 345 სამეფო თასზე და 73 ესპანეთის სუპერთასზე.

4 სხვადასხვა ტურნირზე ასენსიომ 28 დაპირისპირება ჩაატარა და ეს საკმარისი აღმოჩნდა იმისთვის, რომ „ფურია როხას“ რიგებში მოხვედრილიყო.

ჩატარებული მატჩებისა და სათამაშო წუთების მიხედვით, ასენსიოს საშუალო მაჩვენებელი თითო დაპირისპირება 69 წუთია.