ფაბიო კაპელომ მადრიდული დერბი შეაფასა და განაცხადა, რომ მადრიდის „რეალი“ „არსენალთან“ ფავორიტი იქნება.

„„ატლეტიკომ“ გვიჩვენა ფეხბურთი, რომელიც დაცვაში უნაკლო იყო. მადრიდული დერბის მეორე რაუნდში სამეფო კლუბმა გააზრებული შეტევა ფაქტობრივად ვერ განახორციელა, რაც სიმეონეს გუნდის საოცარი დაცვის შედეგი გახლდათ.“

„„რეალმა“ ურთულესი ეტაპი გაიარა, ახლა კი ლონდონის „არსენალის“ წინააღმდეგ ფავორიტი იქნება. მიკელ არტეტას გუნდს უყვარს შეტევა და ეჭვი არ მეპარება, „მეთოფეები“ მაქსიმალურად ეცდებიან სისწრაფეებზე თამაშს, „რეალი“ კი ამ მხრივ სრულყოფილებაა საკუთარი ბალანსით და მომენტალური აჩქარებებით.“

„კარლო ანჩელოტი ინგლისელთა წინააღმდეგ კიდევ ერთხელ დაამტკიცებს საკუთარ კლასს და ხედვების სისწორეს.“

„„არსენალს“ აქვს ერთი სტილი და ეს არის შეტევა, „რეალს“ კი შეუძლია როგორც შეტევა, ასევე ბალანსი, ბურთის დაჭერა, მომენტალური აჩქარება და მოკლე მონაკვეთში არანორმალური პრესინგი.“

„იტალიელი სპეციალისტის მიმართ ჩემი პატივისცემა არაერთხელ დამიფიქსირებია და ახლაც იგივეს გავაკეთებ. ანჩელოტი არტეტასთან ფავორიტია.“