მიგელ გუტიერი მომდევნო ზაფხულს ახალ კლუბში გადასვლას აპირებს და 2 ვარიანტი აქვს.

ესპანელი ფეხბურთელის მიზანი და ოცნება მადრიდის „რეალში“ დაბრუნებაა, მაგრამ თუ ფლორენტინო პერესი ამ ნაბიჯს არ გადადგამს, მიგელი მაღალი ალბათობით იტალიის ჩემპიონატში განაგრძობს კარიერას, საიდანაც „ნაპოლი“ ეპატიჟება და 5 წლიან ხელშეკრულება სთავაზობს.

სამეფო კლუბს მარჯვენა ფლანგის მცველისგან განსხვავებით, მარცხენა ფლანგზე გაურკვევლობა აქვს. მას შემდეგ, რაც ალფონსო დეივისმა „ბაიერნში“ დარჩენა გადაწყვიტა, სამეფო კლუბის მხრიდან ბევრი ინფორმაცია აღარ ისმის.

ბოლო ინფორმაცია, რომელიც მარცხენა მცველს უკავშირდება, ტეო ფერნანდესს ეხებოდა, თუმცა სიახლე არც ამ მიმართულებით ყოფილა.

თუ მიგელს „რეალი“ დაბრუნებას შესთავაზებს, დაუყოვნებლივ მიიღებს თანხმობას.