მიუხედავად იმისა, რომ სამეფო კლუბს ლა ლიგის მომდევნო დაპირისპირება შაბათს უწევს, გუნდი დღეს არ ივარჯიშებს.

კარლო ანჩელოტის გადაწყვეტილებით, ფეხბურთელებს დასვენების საშუალება მიეცემათ, რადგან „ატლეტიკოსთან“ 120 წუთიანმა ბრძოლამ უდიდესი ენერგია წაიღო.

„რეალი“ სესიებს ხვალიდან განაახლებს და აღდგენაც ხვალ იქნება.

„ვილიარეალთან“ შეხვედრა შაბათს, 21:30 საათზეა დაგეგმილი, რაც იმას ნიშნავს, რომ „ბლანკოსი“ მხოლოდ 1 ვარჯიშს ჩაატარებს ლა ლიგის 28-ე ტურის დაპირისპირებამდე.