ანჩელოტი:„ასეთი შეხვედრების მოგება ურთულესია“
კარლო ანჩელოტიმ „ატლეტიკოსთან“ დრამატული გამარჯვების შემდეგ პრესკონფერენცია გამართა.
„თამამად შემიძლია გითხრათ, რომ „ატლეტიკოს“ ფეხბურთელები დაცვაში მსოფლიოში საუკეთესო ფეხბურთს თამაშობენ, მათი ორგანიზებული მოძრაობა და მწყობრი ასპარეზობა აღსანიშნავია. ჩემს შემტევებს არაფერი გამოსდიოდათ, რადგან ყველა ფეხბურთელს ჰყავდა მისი მეურვე, ეს ძალიან დიდი გამოწვევა იყო.“
„პირველივე წუთზე გოლის გაშვებამ ჩვენი ამოცანა ძალიან გაართულა, „ატლეტიკოსი“ კი გაამარტივა. დარწმუნებული ვარ, 0:0-ზე სიმეონეს გუნდი ასეთ დაცვას არ მიმართავდა.“
„რატომ არ დავემშვიდობე დიეგოს? მე ის გასახდელში ვნახე და წარმატებები ვუსურვე, თუმცა არაფერი განგვისჯია, რადგან ორივე დიდი ემოციის ქვეშ ვიყავით და საუბარს აზრი არ ჰქონდა.“
„როდესაც ჩემპიონობა გსურს, ურთულესი მატჩების მოგებაც უნდა შეძლო, ჩვენ არ გავჩერებულვართ და ვცდილობდით, შედეგის მიღწევას. ეს ურთულესი ამოცანა იყო, სადაც შეცდომებიც დავუშვით, მაგრამ ორი მატჩის ჯამში, 1/4 ფინალში გასვლა დავიმსახურეთ.“
„უდიდესი ენერგიის დახარჯვა გვიწევს, კალენდარი მძიმეა, მაგრამ ამ მოცემულობას ვერსად გავექცევით.“
„პენალტების შემსრულებელი? ვფიქრობ, სია სწორად შევადგინე და ოპტიმალური გადაწყვეტილებები მივიღე.“
„სიახლე რუდიგერის პენალტზე? მან „სიტისაც“ გაუტანა, გერმანელი ფსიქოლოგიურად ძალიან მდგრადია და ასეთ მომენტებში ნდობას იმსახურებს.“
„ფერლან მენდის კუნთის დაზიანება აქვს, მას სამედიცინო შემოწმება სჭირდება.“
„ვინისიუსზე პენალტის გაფუჭებამ ძალიან ცუდად იმოქმედა, მაგრამ ბრაზილიელი კიდევ ბევრს შეასრულებს. ის ამ კომპონენტში საკმაოდ ძლიერია.“
„მოდრიჩი და ჩუამენი ერთმანეთს კარგად უგებენ. საკმაოდ კმაყოფილი ვარ ამ დუეტით.“
„კამავინგა? ის ამ სეზონში ბევრ მატჩს ტოვებს, მაგრამ გადამწყვეტ ეტაპზე მოწოდების სიმაღლეზე იდგება. იმედი მაქვს, დაზიანებას აღარ მიიღებს, ფრანგის შესაძლებლობები ნამდვილად ამოუწურავია.“
„ენდრიკის პენალტი? დიახ, ის კარგად ასრულებს თერთმეტმეტრიანს, მაგრამ დიდი წნეხის ქვეშ იყო და სწორედ ამიტომ, ანტონიოს ვუთხარი, რომ ბურთთან მისულიყო.“
- 13 მარტი 2025
- 2 691
- 11
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
