ფედერიკო ვალვერდემ მადრიდული დერბი შეაფასა.

„უმძიმესი მატჩი გამოდგა, ურთულესი გამოწვევებით. პირველივე წუთზე გოლი გავუშვით, რაც იმას ნიშნავდა, რომ ბერნაბეუზე მოპოვებული უპირატესობა გავანიავეთ. ჩვენ ვცდილობდით ბურთის გაკონტროლებას და შეტევების ორგანიზებას, მაგრამ „ატლეტიკო“ დაცვაში ძალიან მწყობრი იყო.“

„მადლობა ღმერთს, რომ ჩვენ მოვიგეთ. ასეთ თამაშში ყოველთვის ყველაფერი შეიძლება მოხდეს. დამატებული დროის მეორე ტაიმში არცერთი გუნდის ფეხბურთელს ენერგია აღარ ჰქონდა და თამაშის ტემპმა იკლო.“

„სანამ პენალტის დასარტყმელად მიხვალ, თავში ბევრი რამ გიტრიალებს. ხვდები, რომ ყველა შენ გიყურებს, თანაგუნდელებს და ქომაგებს შენი იმედი აქვთ, მთავარი მწვრთნელი ძალიან ნერვიულობს. მივედი და ძალიან კარგად დავარტყი, ვამაყობ, რომ გუნდს გამარჯვებაში დავეხმარე.“

„ჩვენ „რეალი“ ვართ და არასდროს ვნებდებით, ჩვენი მიზანი ყოველთვის მაქსიმალური შედეგის მიღწევაა.“

„სეზონის გადამწყვეტ ეტაპზე ვართ. ეს უნდა იყოს ბიძგი და „არსენალთან“ უფრო ხარისხიანი ფეხბურთი ვაჩვენოთ.“