ესპანეთის დედაქალაქში „ატლეტიკოსა“ და მადრიდის „რეალის“ დაპირისპირების მიმართ განსაკუთრებული ინტერესია.

ქუჩებში გულშემატკივრების სხვადასხვა ჯგუფი დადის და წინასამატჩო განწყობას ქმნის, საღამოს კი კულმინაციას ვიხილავთ.

აღნიშნულ ღონისძიებებთან დაკავშირებით სამართალდამცავი სტრუქტურების განსაკუთრებული მობილიზებაა გამოცხადებული, რათა ყველაფერმა მშვოდიბიანად ჩაიაროს.

„რეალი“ უკვე „ვალდებებასზეა“, საიდანაც მეტროპოლიტანოზე მატჩის დაწყებამდე 2 საათით ადრე, სპეციალური ესკორტით დაიძვრება.

ასევე, მკაცრად გასაიდუმლოებულია ლოკაცია, სადაც ერთმანეთს ენრიკე სერეზო და ფლორენტინო პერესი შეხვდებიან და საქმიან სადილს გამართავენ.