მადრიდის „რეალის“ ფეხბურთელებმა „ვალდებებასის“ საწვრთნელ ბაზაზე გადაინაცვლეს, სადაც მთელ დღეს გაატარებენ, საღამოს კი „მეტროპოლიტანოსკენ“ აიღებენ გეზს. ბაზაზე არ გახლავთ კილიან მბაპე, რომელიც კლინიკაში გამოცხადდა.

თბილისის დროით 13:30 საათზე ფრანგი ფეხბურთელის სამედიცინო შემოწმება დაიწყება, რის შემდეგაც ზუსტად გაირკვევა, შეძლებს თუ არა „9“-იანი „ატლეტიკოს“ წინააღმდეგ ასპარეზობას.

ექიმების ვარაუდით, მბაპეს მოედანზე გასვლა მაღალი ალბათობით ვერ მოხერხდება.